29 sentyabr – 01 oktyabr 2023-cü il    
Bakı, Azərbaycan    

 

Mövzu: Dayanıqlı şəhərlər iqtisadi inkişafın və bərabərsizliklə mübarizənin aparıcı qüvvəsi rolunda 

 

Forum haqqında 

 

Azərbaycan Milli Şəhərsalma Forumu (NUFA) Azərbaycan Respublikasının Dövlət Şəhərsalma və Arxitektura Komitəsi tərəfindən UN-Habitat ilə əməkdaşlıq çərçivəsində çağırılan, qanunvericilik xarakteri daşımayan illik tədbirdir. Forum regionda yüksək nüfuza malik və geniş maraq doğuran bir platformaya çevrilmiş, dünyanın müxtəlif ölkələrindən iştirakçıları bir araya gətirmişdir. NUFA şəhər çağırışlarının müzakirəsi üçün müntəzəm platforma kimi çıxış edir, xüsusilə münaqişədən sonrakı bölgələrdə insan məskənlərinin yenidən qurulması və bərpasına diqqət yetirir. Bununla yanaşı, forum dayanıqlı şəhərsalma və inkişaf sahəsində əldə olunmuş ən son nailiyyətlərin təqdim olunmasını, eləcə də bu sahədə beynəlxalq təcrübə mübadiləsinin təşviqini hədəfləyir. 2023-cü il NUFA 29 sentyabr – 1 oktyabr 2023-cü il tarixlərində Bakı şəhərində və Zəngilan rayonunda keçirilmişdir.